Verwante Inhoud :- Die Konflik van die Verlede: 'n Feitlike Oorsig
Die audi alteram partem-reël wat die grondslag vir natuurlike geregtigheid is, het nog nooit in die geval van oud-lede van die Veiligheidstak gegeld nie. Die reël is vervang deur die reël: “Die reg word bepaal deur hulle wat die hardste raas en graagste praat en skryf en die leë ruimtes van die veral die Afrikaanse koerante vul - en hulle is sonder uitsondering die wat om een of ander rede skynbaar ‘n wrok jeens die voormalige veiligheidstak het, soos mnre Max du Preez, Jacques Pauw en hulle geesgenote en ook skynbaar in die verlede na die ANC oorgehel het.
Die tyd het aangebreek dat die mense in Suid-Afrika kennis moet neem van wat werklik in die verlede plaasgevind het en dat daar met meer deernis en begrip gekyk word na die opofferings wat lede van die veiligheidstak ten koste van hulself en hulle gesinne gedoen het.
Indien gelykheid voor die reg gehandhaaf moet word en almal aan wie amnestie geweier is vervolg moet word, sal daar noodwendig indien daar nog 'n greintjie sin vir reg en geregtig bestaan, met die NUK-lede van die ANC begin moet word. Die wesenlike vraag is egter of daar sodoende uiting gegee word aan die slotparagraaf van die Tussentydse Grondwet wat ook die grondslag vir die huidige Grondwet vorm. 'n Aanhaling uit die slotgedeelte van die Tussentydse Grondwet lees soos volg:
Die tyd het aangebreek dat die mense in Suid-Afrika kennis moet neem van wat werklik in die verlede plaasgevind het en dat daar met meer deernis en begrip gekyk word na die opofferings wat lede van die veiligheidstak ten koste van hulself en hulle gesinne gedoen het.
Indien gelykheid voor die reg gehandhaaf moet word en almal aan wie amnestie geweier is vervolg moet word, sal daar noodwendig indien daar nog 'n greintjie sin vir reg en geregtig bestaan, met die NUK-lede van die ANC begin moet word. Die wesenlike vraag is egter of daar sodoende uiting gegee word aan die slotparagraaf van die Tussentydse Grondwet wat ook die grondslag vir die huidige Grondwet vorm. 'n Aanhaling uit die slotgedeelte van die Tussentydse Grondwet lees soos volg:
"Die aanvaarding van hierdie Grondwet lê die vaste fondament vir die mense van Suid-Afrika om die verdelings en tweespalt van die verlede, wat gelei het tot growwe skendings van menseregte, die verbreking van menslikheidsbeginsels in gewelddadige konflik en 'n nalatenskap van haat, vrees, skuld en wraak, te oorbrug.
Die geleentheid is daar om dit nou reg te stel op die grondslag dat daar 'n behoefte bestaan aan begrip en nie wraaksug nie, 'n behoefte aan herstel en nie vergelding nie, 'n behoefte aan medemenslikheid en nie viktimisering nie.
Ten einde diè versoening en herstrukturering te bevorder, moet amnestie verleen word met betrekking tot dade, versuime en misdrywe wat met politieke oogmerke in verband staan en wat in die loop van die konflik van die verlede begaan is...."
Bo en behalwe dat die eensydige vervolging van oud-lede van die veiligheidstak 'n growwe skending van die beginsel van gelykheid voor die reg, soos in die Grondwet bepaal word, sal wees, regstreeks in stryd sal wees met die gees en wese van die slotgedeelte van die Tussentydse grondwet , sal dit ook opnuut die verdeling, tweespalt en konflik van die verlede laat opvlam. Is dit die soort geregtigheid en toekoms wat sekere persone en lede van die media vir Suid-Afrika en sy mense wil skep?
SEARCH THIS WEBSITE
EXPLORE CATEGORIES
|
|