GENERAL HG DE WITT
Commissioner of the South African Police from 1987 to 1989
Ons was almal geskok toe ons van Generaal De Witt se dood op 15/05/2008 verneem het. Hy was ’n geliefde persoonlikheid en oral bemind.
Nadat hy sy opleiding voltooi het, het hy in Pietermaritzburg diens verrig. Hier was hy en ene Attie Coetzee goeie polisierugbyspelers en het hulle as ’n ‘tweeling’ bekend gestaan. Die veiligheidstak Pietermaritzburg het die ou kaserne in Loopstraat, bokant die aanklagtekantoor, as kantore oorgeneem. ’n Ou ao. wat ook in die kaserne gewoon het, het my gewys waar die jong Hennie de Witt afgespring het en ’n duik in die afdak gemaak het. Toe ek eendag met hom daaroor praat toe lag hy en sê: “Dit was Attie!”
Tydens die geselligheid by die aftrede van lt genl Johan Ferreira te Jakkalsdans het ek langs hom gesit en hy het land en sand gesels. Ek het hom gevra of hy my oupa Malan se twee neefs geken het wat polisiemanne was, die Webb-identiese tweeling? Sy antwoord was hy het hulle geken en die een het na aftrede by die mark gewerk en vir hom gesê: “Hennie jy gaan nog kommissaris van polisie word! En ek het!”
Hy was getroud met Mollie, die dogter van ’n polisieman.
Genl De Witt was ook baie lief vir Alexanderbaai waar hy ook grensdiens verrig het. Hy het ook kordondiens verrig. Later is die jong luitenant na die kwartiermeester verplaas waar hy as offisier diens verrig het. Hy het onder andere afdelingskommissaris in Port Natal geword, hy was by die inspektoraat en het ook kwartiermeester geword voordat hy genl Johann Coetzee se adjunk en opvolger geword het. Ek was teenwoordig by sy parade met sy diensaanvaarding as kommissaris van polisie. Ek kan goed onthou toe hy sy toespraak maak het hy ook sy vrou bedank vir haar troue bystand en liefde. Sy stem het gebreek en hy het bewoë geword!
Hy en genl. Keevy was die enigste twee kwartiermeesters wat die voorreg gehad het om kommissaris te word.
Generaal De Witt sal onthou word as die vader van Weesgerus, die Weduwee- en Weesfonds se vakansie-oord by Nylstroom (nou Modimolle) in Limpopo. Die geskiedenis van die oord is by genl. De Witt self bekom. Genl. De Witt-hulle het met die destydse stadsklerk van Nylstroom gaan gesels oor die moontlikheid van grond vir ‘n nuwe hondeskool, toe die idee van ‘n vakansieoord vir polisiebeamptes geopper is.
Bron: Hennie Heymans
(Hennie Heymans was bevoorreg om teenwoordig te wees met die 10de verjaarsdag van die “Hennie de Witt – Weesgerus-oord” en het self met genl. De Witt oor die ontstaansgeskiedenis gepraat.)
Nadat hy sy opleiding voltooi het, het hy in Pietermaritzburg diens verrig. Hier was hy en ene Attie Coetzee goeie polisierugbyspelers en het hulle as ’n ‘tweeling’ bekend gestaan. Die veiligheidstak Pietermaritzburg het die ou kaserne in Loopstraat, bokant die aanklagtekantoor, as kantore oorgeneem. ’n Ou ao. wat ook in die kaserne gewoon het, het my gewys waar die jong Hennie de Witt afgespring het en ’n duik in die afdak gemaak het. Toe ek eendag met hom daaroor praat toe lag hy en sê: “Dit was Attie!”
Tydens die geselligheid by die aftrede van lt genl Johan Ferreira te Jakkalsdans het ek langs hom gesit en hy het land en sand gesels. Ek het hom gevra of hy my oupa Malan se twee neefs geken het wat polisiemanne was, die Webb-identiese tweeling? Sy antwoord was hy het hulle geken en die een het na aftrede by die mark gewerk en vir hom gesê: “Hennie jy gaan nog kommissaris van polisie word! En ek het!”
Hy was getroud met Mollie, die dogter van ’n polisieman.
Genl De Witt was ook baie lief vir Alexanderbaai waar hy ook grensdiens verrig het. Hy het ook kordondiens verrig. Later is die jong luitenant na die kwartiermeester verplaas waar hy as offisier diens verrig het. Hy het onder andere afdelingskommissaris in Port Natal geword, hy was by die inspektoraat en het ook kwartiermeester geword voordat hy genl Johann Coetzee se adjunk en opvolger geword het. Ek was teenwoordig by sy parade met sy diensaanvaarding as kommissaris van polisie. Ek kan goed onthou toe hy sy toespraak maak het hy ook sy vrou bedank vir haar troue bystand en liefde. Sy stem het gebreek en hy het bewoë geword!
Hy en genl. Keevy was die enigste twee kwartiermeesters wat die voorreg gehad het om kommissaris te word.
Generaal De Witt sal onthou word as die vader van Weesgerus, die Weduwee- en Weesfonds se vakansie-oord by Nylstroom (nou Modimolle) in Limpopo. Die geskiedenis van die oord is by genl. De Witt self bekom. Genl. De Witt-hulle het met die destydse stadsklerk van Nylstroom gaan gesels oor die moontlikheid van grond vir ‘n nuwe hondeskool, toe die idee van ‘n vakansieoord vir polisiebeamptes geopper is.
Bron: Hennie Heymans
(Hennie Heymans was bevoorreg om teenwoordig te wees met die 10de verjaarsdag van die “Hennie de Witt – Weesgerus-oord” en het self met genl. De Witt oor die ontstaansgeskiedenis gepraat.)
Brig Fanie Bouwer skryf:
Die twee foto’s (sien onder) is in Augustus 1992 geneem op Alexanderbaai. Ek was toe DK op Springbok
Ons het (1) die nuwe polisiestasie geopen en (2) terselfdertyd ook ‘n re-unie gehou vir die “Ou Grootwiel"-stappers.
Op die een foto maak hy n VB-inskrywing tydens die opening van die polisiestasie (hy was doeriejare as ‘n jong sersant daar gestasioneer gewees)
Op die ander foto sit hy saam met die ander oud-wielstappers. Let op ou generaal DA Bester langs hom.
Brigadier Fanie Bouwer
Die twee foto’s (sien onder) is in Augustus 1992 geneem op Alexanderbaai. Ek was toe DK op Springbok
Ons het (1) die nuwe polisiestasie geopen en (2) terselfdertyd ook ‘n re-unie gehou vir die “Ou Grootwiel"-stappers.
Op die een foto maak hy n VB-inskrywing tydens die opening van die polisiestasie (hy was doeriejare as ‘n jong sersant daar gestasioneer gewees)
Op die ander foto sit hy saam met die ander oud-wielstappers. Let op ou generaal DA Bester langs hom.
Brigadier Fanie Bouwer
|
Genl De Witt maak 'n VB-inskrywing tydens die opening van Alexanderbaai polisiestasie (Augustus 1992) Foto: Brig Fanie Bouwer
|
Re-unie vir “Ou Grootwiel"-stappers (Augustus 1992) Foto: Brig Fanie Bouwer
1913 - 1994
