MY VEERTIG JAAR IN DIE SUID-AFRIKAANSE POLISIE

​Johan Ferreira
VOORWOORD
In die loop van veertig jaar in die Suid-Afrikaanse Polisie is daar talle insidente en staaltjies wat mens bybly.

Omdat die meeste van hierdie stories oor my persoonlike wedervarings gaan, moet die leser my maar vergewe as die woord “ek” gereeld in die teks voorkom. Dit is my manier om die stories te vertel.

Baie van die insidente was komies, sommige dalk ʼn bietjie stout, maar daar was ook dié wat my aan die hart gegryp het.

In hierdie boekie is ʼn paar insidente oor my lewe in die Suid-Afrikaanse Polisie. Ek wil die leser by voorbaat waarsku dat ek myself aangematig het om die stories so hier en daar bietjie “op te sous”, soos ʼn familielid eendag dit beskryf het.

Johan Ferreira
September 2011
​--ooOOoo--
eBOEK INHOUDSOPGAWE
  • ​Voorwoord
  • Die begin van 'n loopbaan
  • My Eerste Blaps
  • Patrolliewa-bemanning
  • Die jaar in die Polisiekollege
  • Rondediens in Polleys deurloop
  • Polisie-bevorderingseksamens
  • Die dag toe die aap uit die mou gelaat is
  • Aanval op Centenary
  • 16 Junie 1976
  • Grensdiens in Suidwes-Afrika
  • 'n Vader se afwesigheid
  • Tuiskoms van die grens af
  • Nuwejaarsdag 1973
  • Die Sjebeen
  • Die Polisie Somersault
  • Die Battersby Hoed
  • Die insident wat altyd by my sal spook
  • Kruisondervraging
  • 'n Bos Geel Rose
  • 'n Man se geur
  • Die Ysmasjien op Nelspruit
  • Brigadier Duveen Botha
  • 'n Man in Uniform
  • Die Posmandjie
  • Koos Kokkerot
  • Die Boemelaar
  • Verslag aan die Distrikskommandant
  • .38 en 9mm Patrone
  • One Minute Manager
  • Rade en Verhore
  • Roomys eet en bestuur
  • Die voor- en nadele aan eksamen skryf
  • Die Pienk Sakkie
  • Die dinge wat 'n polisieman in sy beroep teëkom
  • Die poachers aan Phalaborwa
  • Dagga storie uit die ou dae
  • Akasiapark
  • Die Middelburg Saga
  • Die Kommissaris se kantoor in Wachthuis
  • Geleerdheid
  • Toesprake vir die Kommissaris en Minister
  • Lauberville
  • Die voorranglys vir offisiere
  • Ontnugtering met verplasing
  • Ensrettet
  • Die huurmotorbestuurder in Kopenhagen
  • Om sonder jou eggenote na ʼn polisie-funksie te gaan
  • Onderhoude vir Geadverteerde Poste
  • Pakkette word aangebied
  • Summiere Ontslag
  • 'n Kykie in die truspieël
KLIK HIER OM eBOEK AF TE LAAI
PDF - 856KB
‘n Vader se Afwesigheid
(Uittreksel – Bladsy 28)
Hierdie storie het ek by kolonel Frik Stoffberg gehoor. Ons het saam parlementêre diens verrig.

Frik vertel dat hy ook opgeroep is vir ʼn diensbeurt aan die grens.

Ek kan nie onthou of hy na die Caprivi of Rhodesië van die huis af moes gaan nie, maar hy het sy vrou en drie klein kinders by die huis gelos. Die jongste was ʼn knaap wat al goed begin praat het.
​
Toe Frik na ses maande terug by die huis kom, sien hy dat sy jongste knaap maar bra skugter is. Hy gaan kniel toe voor die knaap en sê:

“Dag my kind, groet jy dan nie jou pa nie?”

Die outjie kyk hom aan, steek sy hand uit en antwoord:

“Dag oom, my pa is in die Bos!”
DEEL HIERDIE BLAD