LIEUTENANT-GENERAL HD DU PLOOY

Commissioner of the South African Police from 1960 to 1962
  • Hy sluit gedurende 1926 by die polisie aan. (Hy het in 1922 tydens die sogenaamde Rooi Opstand aan die Rand ‘n broer verloor.)
  • Du Plooy was aanvanklik verbonde aan die reken- en betaalmeester se kantoor, maar het die drang om speurder te word.
  • Gedurende 1929 word hy ‘n tweedeklas-speurdersersant en twee jaar later ‘n eersteklas- speurdersersant. Gedurende 1935 verwerf hy kommissierang en dien hy as distrik- en afdelingspeuroffisier by verskeie sentra in Suid-Afrika.
  • Gedurende 1942 word hy die Transvaalse speurhoof. Soos reeds uitgewys, is dit ‘n moeilike tydperk, nog meer vir lede van die mag wat teen ander lede optree. Genl. Du Plooy verrig sy taak sonder enige politieke bybedoelings en keer in die proses verskeie Afrikanerlede aan vir misdade gepleeg tydens die oorlog. Hiervoor word hy met die KPM vereer.
  • Gedurende die Britse koninklike besoek in 1947 is hy in bevel van die veiligheidsmaatreëls en hy word deur die koning vereer met die MVO - (Member of the Royal Victorian Order).
  • Gedurende 1945 word hy aangestel as hoof van die spesiale afdeling (voorloper van die veiligheidstak). Hy en ander lede besoek Scotland Yard en die Britse Geheimediens in 1948. Hy skakel met die Britse koningshuis.
  • Alhoewel die Nasionale Party gedurende 1948 aan bewind kom, bly hy in sy pos. Gedurende 1950 word hy die stafoffisier van die speurhoof.
  • Hy doen baie vir lede sodat hulle hulself akademies kan bekwaam. Hy verwerf bekendheid vir die Du Plooy-lesings vir bevordering.
  • Teen alle verwagting (ook teen sy eie verwagting) word hy as kommissaris aangestel. Hy is die tweede speurder wat dié hoogste sport bereik.
  • Met Republiekwording op 31 Mei 1961 is hy die kommissaris en teenwoordig tydens die inhuldiging van adv. C.R. Swart as eerste staatspresident.
Bron: Onderhoud op 8 Februarie 2013 met me M Swanepoel, argivaris van die SAPD museum - (Oud-Brigadier Hennie Heymans).
1913 - 1994