DIE HANDELSTAK - 'n Gedenkboek

Suid-Afrikaanse Polisie 1913-2013
saamgestel deur Daan le Roux
​Klik hier om die Bestelvorm af te laai (PDF 119 KB)
​Die samesteller van hierdie gedenkskrif, Daan le Roux, was vanaf 1970 tot 1990 in Johannesburg aan die Handelsmisdaad Eenheid verbonde en later tot 1997 by polisiehoofkantoor waar hy op verskillende terreine betrokke was en later, o.a. Hoof van Vaardigheidsontwikkeling, die Kriminelerekordsentrum en later as Hoof van Nasionale Veiligheid- en Beskermingsdienste in die rang van Luitenant-Generaal.

Saam met sy oud-kollegas van die Handelstak is besluit om die geskiedenis van die Handelstak in perspektief te stel en vir die nageslag op rekord te plaas.

​Bedrog is so oud soos die mensdom.

“Hul keel is ‘n oop graf, met hul tonge pleeg hulle bedrog, die gif van adders is onder hulle lippe”
(Rom.3:13).
​Die kreatiwiteit van bedrogmisdadigers staan nie een tree terug vir vindingryke geleerdes in die sakegemeenskap wat hul met die ontwikkeling en beskerming van sake-en ekonomiese praktyke besig hou nie. Kapitalisme is ook baie meer kwesbaar vir bedrogsverwante misdaad as enige ander stelsel. In hierdie gedenkskrif word vertel van die mense en die werk van die Handelsmisdaad Eenheid van die Suid-Afrikaanse Polisie en ook een en andere van die ontwikkelinge sedert 1994 tot 2013.
​
Interessante inligting, soms in ligte luim, word verstrek oor sake wat hulle ondersoek en voor die howe gebring het. Die rol van leiersfigure in hul geledere asook die betrokkenheid van die Departement van Justisie en die Rekenmeesters / Ouditeurs bedryf word ook uitgelig.
Enkele kenmerke van die boek:
  1. Die boek is in Afrikaans geskryf, beslaan 23 hoofstukke, bevat 28 kleur- en 21 wit en swart foto’s asook pensketse van 30 lede met hul foto’s daarby. 
  2. Dit bevat ‘n redelik volledige geskiedenis van die Handelstak insluitend ‘n hoofstuk vir elke provinsiale kantoor en oor die lede wat die handelstak verlaat het.
  3. Kort verslae van 51+ opsienbare en interessante hofsake en ondersoeke asook 38 staaltjies en stories is ingebou om die werk, sub-kultuur en karakter van die Handelstak te weerspieël.
  4. Ruimte word ook afgestaan aan die politieke oorgangstydperke en die impak van “Nuwe Suid-Afrika” op diegene belas met ondersoek van handelsmisdaad. 
  5. Die koopprys van die boek (R208) maak geen voorsiening vir wins deur die skrywer nie, maar dek bloot basiese uitgawes soos taalversorging, bladuitleg, drukkoste, administratiewe koste, verspreiding, aflewering, ens. 
Klik hier om die Bestelvorm af te laai (PDF 119 KB)
Vir navrae, skakel gerus vir Daan le Roux by tel. 071 863 1922
of stuur epos aan: ​lerouxdj@absamail.co.za
D J le Roux, Posbus 58, Bela Bela 0480​
DEEL HIERDIE BLAD